Afurðir
Vísir framleiðir fiskafurðir fyrir kröfuharða neytendur sem sækjast eftir fyrsta flokks íslensku hráefni. Fyrirtækið leggur sig fram um að viðhalda traustu og góðu sambandi við viðskiptavini og leggur allt í sölurnar til að uppfylla þarfir þeirra og óskir. Sveigjanleg framleiðsla ásamt skilvirku gæðaeftirliti í gegnum allt ferlið skilar fjölbreyttum hágæðaafurðum allt árið um kring.
Helstu afurðir og tegundir má sjá hér.
-
Saltfiskur
Stærstu markaðir Vísis fyrir saltfisk eru Spánn, Ítalía og Grikkland og er megnið af fiskinum pakkað í 25 kg kassa. Hvort sem fiskurinn er flattur eða flakaður er uppistaðan hágæða línuveiddur fiskur sem unninn er í tæknivæddri saltfiskvinnslu fyrirtækisins. Helstu tegundir í saltfiski eru þorskur, keila, langa og blálanga.
-
Frystar afurðir
Frystihús Vísis skartar hátæknibúnaði sem gerir framleiðsluna fjölbreytta og kraftmikla. Fyrirtækið vinnur náið með viðskiptavinum sínum í Evrópu og Norður-Ameríku og framleiðir flök og bita eftir þörfum þeirra og óskum. Frystu afurðirnar eru úr línuveiddu hráefni og fylgja ströngum gæðakröfum í gegnum allt ferlið, og henta því vel fyrir kröfuharða neytendur.
-
Ferskar afurðir
Vísir leggur mikið uppúr miklum og stöðugum gæðum og stýrir línubátum sínum í besta hráefnið hverju sinni. Þetta ferska hráefni og nálægð Vísis við alþjóðaflugvöll og útflutningshöfn gera fyrirtækið einstaklega hæft til framleiðslu og afhendingar á ferskum afurðum. Hlutfall ferskra flaka og bita hefur hækkað mikið á undanförnum misserum og fjöldi tegunda í þennan afurðaflokk aukist.
-
Léttsaltað
Léttsaltaðar og lausfrystar afurðir hafa á síðustu árum þróast í að vera mikilvægur hluti af framleiðslu Vísis. Léttsöltuð flök og bitar fara að stærstum hluta inn á hefðbundna saltfisksmarkaði þar sem þau freista kröfuharðra viðskiptavina.
